Van Hunnewarpe un Miegeumkes
/Ne ganz interessante Veranstaltung wör dat, wotau de Eggermöhler Landjugend tauhope mit den Heimatverein in de Mensa inneloaet hadde. „Plattdütsk an´n Winteroabend“. Unner düt Motto güng et doarümme, de jungen Lüe mit de plattdütsken Sproake taurechte tau helfen. Peter Schmitz van`n Heimatverein hadde för den Oabend ne Ließen mit plattdütsken Redewendungen und Utdrücken tauhopestellt, de van de Teilnehmers oversettet weern scholln. Interessante Diskussionen entstünden over den ein oder ännern Utdruck. Geschichte würten vörleest und doarover diskutiert. Dat mit dat Wort „Miegeumkes“ Ameisen ment sind un en „Hunnwarp“ up Hochdütsk Maulwurf hett, wüßten de maasten van der Landjugendmitgleeders bet doarhenn nich. Düsse gemeinsamen Klönoabende möt wi unbedingt biebehollen, doar kann man doch ne Masse bi lernen, dat wör de einhellige meinung van de Teilnehmers. In den nächsten Monaten schall dat nu immer moal weer so`n Plattdürskoabend gewen, tau den dann jedereine, de dor Spoaß an heff, innelaon is.
Use Belder entstünden bi de Diskussionsrunde. Fotos: Georg Geers